綻放天資

霖霖係一個天生好動又好多笑料嘅小女孩，有時會氹得我地好開心, 有時又可以激得我地好嬲, 佢勇於嘗試😊而又唔怕俾人鬧，佢好明白我地對佢嘅要求, 但係做唔做到呢???..........唉...... "服從"其實對佢嚟講, 一向都有難度

話說一個早上佢好乖咁自己係廳度玩，而我就係廚房準備午飯, 一向要耳聽八方嘅我, 突然覺得佢過於安靜, 有啲奇怪，究竟佢又有啲咩野搞作呢？轉身向廳一望, OMG(嚇到要講英文).....，佢喺度畫圖畫呀... 不過....唔係畫係圖畫簿度, 而係牆身度.......！即時心裡有團火要沖上嚟, 比著平時嘅我就要教訓佢😤.. 而小霖霖..係呢一刻, 兩眼子圓碌碌登大左, 用佢最傻嘅樣望住我...應該都係等緊我嘅訓話......

突然間, 腦海閃過美贊臣video內Ellie嘅畫面，小朋友做一啲人哋覺得唔岩同唔可能嘅嘢，究竟做父母應唔應該支持呢？自己從來都冇諗過霖霖鍾意畫畫(可能就因為我唔夠細心)，佢自己亦冇提及過，見到畫到亂糟糟嘅牆身, 真心有啲嬲，不過牆身畫花左可以擦左佢或者再油過，如果呢一刻, 我選擇左要教訓佢, 小朋友係心裡面究竟會點諗呢?? 站返係小朋友既世界裡面, 又係點呢??? 小朋友既自信心又會點?? 我地都知道每個小朋友都有自己嘅個性同想法，而做父母嘅都想俾最好嘅野小朋友，但最好又係咪佢地想要同需要呢？一連串嘅問題, 係我腦海裡出現左.......?????? 但當我回憶到Ellie故事既結局個刻, 我諗..我應該知道點做了....我要做個Positive的家長, 放下世俗規限, 選擇支持佢☺,等佢可以勇於做自己,令小朋友快樂地成長！呢一刻, 聰明嘅霖霖已經感覺到..母愛有幾咁偉大.....哈哈哈 (後話 : 牆上面圖畫, 當然由佢爸爸慢慢擦乾淨啦)